AI Reels
الريل مو Prompt. الريل خط إنتاج.
20h / 10 sessions
الحقيقة
20 ساعة · 10 جلسات. بتبلّش من كيف تلاقي فكرة، وبتخلص بتلات ريلات جاهزة للنشر وسعر بتعرف تطلبه.
CapCutPhotoshopMeta Ads LibraryTikTok CreativeGoogle TrendsStoryboardAI Slop checklist
لمين هالطابق
- —مصممون ومونتيرون
- —صنّاع محتوى
- —أصحاب متاجر وعلامات
- —موظفو وكالات تسويق
- —مبتدئون بلا خلفية
شو رح تتعلّم
- —من وين بتجيب الأفكار، بدل ما تقعد تستنى الإلهام
- —كيف تكتب الفيديو لقطة لقطة قبل ما تبلّش
- —كيف تطلّع صور المنتج والشخصية صح، وتخليها ثابتة بكل اللقطات
- —كيف تركّب المشاهد وترسمها قبل التصوير
- —كيف تطلّع الفيديو، وشو تعمل لما يطلع غلط
- —المونتاج: صوت وكتابة وألوان
- —كيف تسلّم للزبون وقديش تحاسبه
شو بتطلع فيه
- —20 فكرة جاهزة، ما بتوقف تتطلّع بالسقف لما بدك تصوّر
- —ملف بتبعتو للزبون فيه أفكارك، شكله محترف
- —صور ومشاهد وشخصية ثابتة بتستخدمها بكل الفيديوهات
- —ثلاث ريلات مخلّصة وجاهزة تنزل
- —أسعارك مكتوبة — بتعرف قديش تطلب وليش
اللي بيميّزه
أهم جزء: شو تعمل لما الفيديو يطلع مشوّه. لكل مشكلة حل معروف، مو إعادة محاولة عمياء بتحرق رصيدك.
مشروع التخرّج
حملة كاملة لعلامة بتختارها إنت. ما في امتحان.
المتطلبات
ما بيتطلب خبرة تصميم ولا برمجة.
بيناسبك؟
إذا بتشتغل محتوى أو عندك محل بدو إعلانات — هون بتتعلّم طريقة شغل كاملة، مو أداة بتتغيّر بعد شهرين.
السعر والتواريخ واسم المدرّب لسا ما وصلوا.
اسأل المصعد إذا هاد طابقك